SuperBalita Cebu

ANCAJAS, MARTINEZ REMATCH SA OKT. 8

- / Philboxing.com

Si kanhi world champion Jerwin “Pretty Boy” Ancajas sa Panabo City mahatagan na sa iyang tinguhang rematch batok kang Internatio­nal Boxing Federation (IBF) junior bantamweig­ht title-holder Fernando “Pumita” Martinez sa Argentina sa Oktubre 8 sa Los Angeles.

“It is a direct rematch,” matod ni Joven Jimenez, manager ug chief trainer ni Ancajas.

Ang 30-anyos nga Ancajas dunay rematch clause ug siya nakahukom sa paggamit niini inay nga mosaka siya sa bantamweig­ht. Sila si Ancajas ug ang iyang team mobiya karong Septiyembr­e alang sa Los Angeles, California, USA.

“We will work harder so that the condition must be good,” matod ni Jimenez.

Si Ancajas naa karon sa 135 pounds ug dunay upat ka sparring partners nga sila si Jonas “Zorro” Sultan (18-6-0, 11KOs), John Mark “Tough Guy” Alimane (8-1-0, 4KOs), wa pay pildeng si Daniel Lim (10-0-0, 2KOs) ug Fernando Parcon.

Sa pagkakaron nagbansay sila sa Survival Camp sa Barangay Ramirez, Magallanes, Cavite.

“So far it’s only Sultan who has also has a fight already,” matod ni Jimenez.

Si Ancajas, kinsa rated No. 6 sa IBF, nibasol sa iyang bati nga performanc­e sa weight cut. Si Ancajas nidaug sa IBF title pinaagi sa pagpilde ni McJoe Arroyo (UD 12) sa Septiyembr­e 3, 2016 ug malampuson­g nidepensa sa siyam ka mga higayon.

Kasagaran iyang mga away naa sa gawas sa nasod, sama sa Macau, Australia, Ireland, U.S. ug Mexico. Ang record ni Ancajas naa sa 33-2-2 (22 KOs) samtang si Martinez dunay 14-0, walo ka knockouts.

 ?? / PHILBOXING.COM ?? ■ NAKLARO NA: Duna nay klarong petsa ang rematch nila ni Jerwin Ancajas ug Fernando Martinez nga mao ang Oktubre 7, 2022.
/ PHILBOXING.COM ■ NAKLARO NA: Duna nay klarong petsa ang rematch nila ni Jerwin Ancajas ug Fernando Martinez nga mao ang Oktubre 7, 2022.

Newspapers in Cebuano

Newspapers from Philippines