BOLTS GIHUBOG SA BEERMEN
Sila si June Mar Fajardo ug CJ Perez nagkumboya aron pangulohan ang San Miguel Beermen aron mahibalik sa pag-una sa PBA Philippine Cup Final Four playoff batok sa Meralco sa 96-91 nga kadaugan sa Game 3 sa Smart Araneta Coliseum sa Dominggo, Agusto 7.
Naghuwat lang, diha na naninuod si Fajardo sa panahon nga gikinahanglan na ang pagdaug ug giabagan pa sa maayong duwa ni Perez hinungdan sa pagbangon sa Beermen gikan sa ilang kapildehan sa Game 2, 99-88, ug nag-una na karon sa race-tofour-games series.
Bisan tuod kon si Fajardo nikamada og 21 puntos ug 16 ka rebounds ug si Perez nipasulod og upat ka three-pointers sa iyang 26 puntos, gikinahanglan pa sa Beermen ang hugot nga depensa aron kapugngan ang Bolts.
“Napakahirap silang talunin. You can’t blink as they’re well prepared and they know what to do. We’re lucky we have big men who can pound them at the post,” matod ni San Miguel coach Leo Austria.
Ning-amot og dako sa Beermen sila si Vic Manuel (11 puntos ug pito ka rebounds) ug Jericho Cruz (15). Niini, dunay dakong kahigayunan nga maka 3-1 na ang Beermen sa sunod nga duwa sa Miyerkules sa Big Dome.
Si Fajardo nagsilbeng decoy sa sayo pa ug nitala og 15 puntos sa second half, lakip na sa 10 sa iyang katapusang 16 puntos.
“Pasa-pasa muna ako at hinayaan ko muna umiskor teammates ko. Sa second half, nakakuha na ako ng bola sa teammates ko at saka offensive rebounds,” matod ni Fajardo, kinsa nakakuha og double ug triple-teaming defense sa kinatibuk-ang duwa.
“Hindi kayang talunin ang tatlong defenders. Kaya gaya nang sabi ni June Mar, nag-decoy siya muna,” matod ni Austria.
Si Perez nakatabang nga mobuka ang inside nga depensa sa Meralco pinaagi sa iyang mga pagpangigo ug nitala usab og tulo ka rebounds ug gidaghanon sa assists ug steals.
Ang Bolts gipangulohan nila ni Chris Newsome sa iyang 16 puntos samtang si Cliff Hodge dunay 13 ka rebounds, 12-point double-double.