Black may paglaum gihapon sa Meralco

Si coach Norman Black naglaum gihapon sa kahigayunan sa Meralco batok sa San Miguel bisan human sa pagdominar ni June Mar Fajardo sa game 3 niadtong Dominggo sa 2022 PBA Philippine Cup semifinals.

Ang Bolts lupig na sa 1-2 sa series human si Fajardo nangu sa Beermen, nitapos sa iyang 21 puntos ug 16 ka rebounds sa 96-91 nga kadaugan.

Gihamok na sab sa fouls ang Meralco dihang sila si Cliff Hodge, Raymar Jose, ug Kyle Pascual gitawgan sa ilang tag lima ka fouls sa ilang tinguha nga pagpugong kang Fajardo, kinsa nakapasud sa iyang 11 sa 16 ka itsa sa free-throw line.

“We played hard. We played tough. We made too many

fouls again I thought,” matod ni Black, kinsa nihulagway sa foul situation batok kang Fajardo nga ‘big problem.’

Nasagmuyo usab si Black nga wa nakahimo ang team, labina ang guards, sa kanunay nga pag-itsa sa bola. Ang Bolts nakapasulod lang sa 32 sa 82 ka mga itsa.

“Sent them to the foul line too many times. I thought overall, we played hard which is the most important thing. We didn’t shoot the ball well tonight compared to the last game. That made the big difference for us.”

“We have to shoot well against this team because they have such a big advantage inside. If we don’t shoot well, we will have a hard time beating them,” matod ni Black.