Pirmeng sayop

Dear Papa Joe,

Ngano kaha nga naa man gyuy tawo nga selfish. Tawaga lang ko og Oscar, 50 anyos na ang edad ug may ka live in.

Kaning akong kapuyo walay lain nakita nako kon di akong mga sayop. Karon, gibuhat nako tanan ug honest ko sa Diyos, wa ko nagbinuang pero giakusahan man hinuon ko nga naa koy uyab. Sa tinuod lang, wa na koy paglaum nga matarong pa ning among pagpuyo. Tungod lang sa among anak milahutay ko kay di ko gusto malayo sa akong anak. Tanang oras gihatag nako niya. Tanang pabor naa niya nga wa gani nako matabangi akong ginikanan nga buhi pa tungod niya kay wa siya kauyon sa akong side.

Nahibong ko nganong selosan ko nga di gani kamao mamarayeg nako kay baho ko, tiguwang na ko. Maayo lang ko og trabaho mao siguro. Usahay makahuna-huna ko og hikog. Tambagi ko.

OSCAR

Oscar,

Di pa man mo kasado nganong imo man prisohon ang nahabiling mga adlaw nimo ning kalibutana sa tawo nga nagpasakit nimo?

About sa imong anak, sustentuhan nimo og tarong total modako man sad nang anak nimo. Kon tan-aw nimo wala nay ayo, then pahuway. Kon tan-aw nimo gigatasan ka lang, adto ibuhos sa mga tawo nga naa nimo puhon kon di na ka abundant pero pakigsulti lang sa imong pares. Basin wa mo nagkasinabot. Basin maresolba pa diay.

PAPA JOE