Jake Cuenca nominado sa Seoul Int'l Drama Awards
Nominado ang aktor Jake Cuenca isip Outstanding Asian Star alang sa Seoul International Drama Awards karong tuiga.
Ang role niini sa ABS-CBN series nga Viral Scandal mao ang rason nga nahimong nominado ang aktor.
Ang maong pasidunggog gihatag sa lima ka mga sikat nga aktor/aktres sa nasod sa Asya lakip ang Pilipinas, Japan, China, Thailand, ug Taiwan.
Nominado usab ang breakout love team nga sila si Donny Pangilinan ug Belle Mariano.
“Humbled and grateful for this,” matod ni Jake sa iyang Instagram post kinsa nipasalamat sa SIDA, sa iyang Viral Scandal family ug sa kadagkoan sa ABS-CBN, lakip na ang Star Magic.
Si Jake nidala sa role nga Troy Ramones sa Viral Scandal. /