PAHIBAWO SA NAKIT-ANG SAPATOS GIPAAGI’G BALAK, NAG-VIRAL
Miani og atensiyon sa publiko sa Baguio City ang gihimo’ng pakulo sa usa ka buhatan sa local government unit (LGU) aron sa pagpahibawo sa tagiya sa usa ka paresan sa sapatos nga napalgan.
Ang Public Order and Safety Division (POSD) – City of Baguio nihimo og announcement via Facebook nga gipost niadtong Marso 11, 2024.
Taho sa PEP Kuwentong Kakaiba nga ang maong post may labot sa size 41 nga fourinch heels nga nakit-an sa may O-shaped overpass sa Baguio.
Ang maong pahibawo mahitungod sa pagpangita sa nanagiya sa maong sapatos apan dili ordinaryo ang announcement nga gipaagi sa usa ka balak o tula.
BALAK
Ang tula giulohan: Baguio Cinderella Story 2.0.
Ania ang kinatibuk-an post:
A lone sole seeks its missing mate, A crimson kiss upon its fate. Four inches high, a daring stride,
Size forty-one, where could it hide?
Found by our enforcers, a watchful eye,
At the O-shaped bridge, beneath the sky.
Though knocking doors, a tedious quest,
A quicker path, we put to the test.
Sa comment sections, miani og pagdayeg sa pagkahimo sa maong balak nga niabot og 1,900 reactions, kapin sa 200 ang comments ug 631 ang shares sa Facebook page sa POSD, dungan sa pag-post sa usa ka paresan nga black high heels.
EPEKTIBO
Nahimo’ng epektibo ang maong paagi sa pagpahibawo tungod kay mi-viral kini ug niabot sa tag-iya sa maong sapatos.
Usa ka Nigerian national nga giila sa ngalang Pamela maoy tag-iya sa maong butang.
Nagtuo si Pamela nga wa niya mabantayi nga nahulog ang iyang sapatos niadtong higayuna samtang nagsubay sa overpass.
Usa sa iyang mga higala maoy nipahibawo kaniya nga ang paresan sa iyang sapatos gi-post sa social media hinungdan nga iyang gi-claim.
BALAK UPDATE
Sa dihang gi-claim na ni Pamela ang sapatos, laing balak nga pahibawo nga nakuha na ug nabalik ngadto sa tag-iya ang sapatos.
BAGUIO CINDERELLA 2.0 UPDATE!
Oh, lonesome slipper, thy owner we sought
Our dauntless pursuit was not for naught
At long last, the rightful claimant has come hither
To reunite the left to the right slipper
From lands afar, this maiden came
Beautiful Nigeria, a kingdom of fame
Mist-kissed Baguio, now her second home
A pilgrimage of knowledge, she’s pursuing alone
From church she came, her steps did wander
Unwittingly, off her bag strayed a slipper
The morning dawned, the truth laid bare
A single slipper, a missing pair
Miabot sa 2,600 reactions, 203 comments ug 361 shares./