Suspendido
TAGILID ang kalagayan sa kasalukuyan ng veteran showbiz writer-radio host na si Jobert Sucaldito sa Dos.
Ibinunyag niya na suspendido siya sa DZMM program niyang “Showbuzz” matapos niyang paulanan ng maanghang na salita ang aktres na si Nadine Lustre hinggil sa hiwalayan nito with James Reid.
Ani Jobert sa isang Faceboook post, “More than 1 month na akong suspended...
“Mga fans (the trolls ha - not the educated ones) lang pala ni Nadine Lustre ang makakapagpatanggal sa akin sa show na lubos na pinaniwalaan yata ng napakahusay naming station manager...
“I’d like to think that I was a very loyal Kapamilya pero ano nangyari? Nganga ang baklita!”
Sinundan niya ito ng isa pang mas mahabang mensahe: “Painful but that’s the reality. Mahirap kaya ang maging jobless for a month (di mo alam kung hanggang kailan - baka till the end of time) lalo pa’t breadwinner ka.
“What’s sad about this ay kinikiyeme pa akong under investigation daw ang isyu ko ng ethics committee ng ABS-CBN pero parang iba naman ang nagaganap.”
Ito ay dahil nalaman daw niya na inalok na ang posisyon sa kanyang friend na si Ambet Nabus na tinaggihan naman nito.
“Imagine, parang buhay ka pa ay inililibing ka na nila. How heartless of these people, di ba? How insensitive!
“Nalungkot ako sobra dahil 20 years akong nasa ABS-CBN and more than 17 years sa DZMM ay bigla na lang akong tatratuhing parang basura.
“Sinunod ko naman lahat ng inutos nila pero anong nangyari?
“Meron lang talagang mga tao sa loob na ayaw talaga sa akin at gusto akong patalsikin at mukhang kilala ko naman sila.
“Anong kinatatakot ninyo kung wala naman kayong mga ginagawang anomalyang alam ko, di ba?
“Di naman ako traidor na tao. Pag lalo niyo akong binubusalan, lalo akong pumipiglas ha. You know naman my character. Basta sa tama lang tayo.
“Sobrang bait ko, I don’t bite the hands that feed me pero pag sukdulan na, mararamdaman ninyo ang ngipin ko.”
Naku, huh!