Takot pa rin
NAG-REFRESHER course pa pala sa acting si Sunshine Dizon para paghandaan ang kanyang role sa “Rainbow’s Sunset” na entry ng Heaven’s Best Entertainment sa MMFF 2018.
Ito ay sa dahilang hanggang ngayon, kahit award-winning na, super-kabado pa rin daw siya kapag ang direktor niya ay si Joel Lamangan.
“Sabi kasi sa akin ni Direk Joel, ‘Hindi puwede rito ang teleserye acting. Dapat dito, truth.’ Sabi niya pa, ‘Kailangang mag-shine ‘yung totoong acting, hindi ‘yung teleserye na malakihan ang lahat ng galaw.’ So, nag-workshop ako for a day na parang refresher course na rin on acting.”
Kung tutuusin ay puwede na lang basta “atakihin” ni Sunshine ang kanyang role sa “Rainbow’s Sunset” sa kung anong nakasanayan na niya, pero dahil nga sa “takot” kay Direk Joel, kinailangan niyang mag-refresher course. “If you can actually feel the passion in every scene ito ay dahil sa leadership ni Direk Joel na talagang napaka-imposing sa set,” lahad ni Sunshine.
Dagdag pa niya, kahit na ilang beses na raw niyang nakatrabaho si Direk Joel (TV man o movies), nandoon pa rin ang kaba nito sa batikan at award-winning director.
“I have to be honest, lahat naman ng inooffer na project sa akin ni Direk Joel, kinakabahan pa rin ako up to this day. Truth is, I look up to Direk Joel so much that I see him like a father. Ganu’n ang tingin ko kay Direk Joel na there’s always this feeling inside me that I want to please him. May ganu’n ako na pag-uwi ko at nabulungan ako na ‘you did good today,’ para akong nalagyan ng star. Para akong kinder ulit,” ani Sunshine.
Ang “Rainbow’s Sunset” ay kuwento tungkol sa pamilya, at sa kakaibang pag-ibig na walang pinipiling kasarian o edad.
Kasama rin sa cast sina Tanya Gomez, Marcus Madrigal, Sue Prado, Ross Pesigan, Jim Pebanco, at iba pa.