Pagbabag sa kausaban sa Vatican
Tulo ka tuig human siya napiling ika-266 nga Santo Papa, pabiling gibatokan sa ubang kadagkoan sa Simbahang Katoliko ang iyang paningkamot paghimong yano sa pagpuyo sa kaparian ug mga obispo, pagpitol sa luho nilang bisyo ug pagpaduol sa simbahan sa mga kabos.
Dinhi sa atong kaugalingong tugkaran, may pipila gihapon ka pari ug obispo nga niinsistir nga ipabiling harianon ang ilang mga kumbento, nanakay gihapon sa luho nilang mga sakyanan ug samtang padayong nakighuguy-hugoy sa labing adunahang mga negosyante pabilin sang nilikay sa mas nagkinahanglan unta nila apan
Di hinuon sa Artsidyosesis sa Sugbo ra mabantang ang makauuwaw’ng pagsalikway sa kausaban ni Pope Francis. Bisan sa iyang kaugalingong tugkaran sa Vatican, ang lingkoranan sa kalibutanong liderato sa simbahan, igo lang siyang gitandu-tando sa kasagaran sa mga sakop sa iyang gabinete.
Sa kontrobersiyal nga librong "Merchants in the Empire," ang Italyanong peryodista nga si Gianluigi Nuzzi nibutyag nga ang karaang burukrasya sa Roma determinadong nibabag sa kampanya ni Pope Francis paglimpiyo sa mga transaksiyon, pagtarung sa pagduma sa panudlanan ug pagputol sa pagwaldas sa katigayonan sa simbahan.
*** Nahibaw- an ni Nuzzi gikan sa opisyal nga mga dokumento sa Vatican nga ang mga kapritso sa Roman Curia, ang gabinete sa Santo Papa, gigastohan sa minilyon ka Euros nga amot sa mga Katoliko sa tibuok kalibotan nga alang unta sa mga proyekto sa Santo Papa alang sa labing kabos nga mga molupyo sa kalibotan nga ginganlan og Peter's Pence.
Gihulagway ni Nuzzi nga eskandaluso ang mga palasyo sa mga kardinal sa Vatican kon itandi sa pinuy-anan ni Pope Francis: Room 201 sa Casa Santa Marta, may gidak-ong 50 square meters, mas gamay pa kay sa butanganan sa mga sotana sa mga prinsipe sa simbahan.
***
•
•
•
•
•
•