Unsay ikatabang sa Diwata
Tungod ba kaha sa hilanat sa politika, o mas madanihon lang gyod ang kaguliyang, terorismo ug mga eskandalo kay sa maayong mga balita, way nitumaw nga nasudnong paghangop ug pagsaulog sa makasaysayanon nga pagpalupad ngadto sa kawanangan sa labing unang satellite nga hinimo sa mga Pilipinhon.
O mahimong napaso na lang ang katawhan. Kay kadaghan na pasaligi apan hangtod karon wa pang kakita sa paglambo sa teknolohiya sa mas tukma nga pangagpas sa kahimtang sa panahon, mas epektibong
Di kong kabasol nimo kon mas nasuhito kay sa insultohay sa presidential debate sa Sugbo niadtong Dominggo sa lukay, pilay namatay sa pagpamomba sa Brussels, o sa bugno nilang Donald Trump ug Ted Cruz tungod sa ilang mga asawa kay sa Diwata- 1 imaging microsatellite: • Sama kadako sa balikbayan box ug sama kabugat sa usa ka sakong bugas humay (50 ka kilo); Nitugpa sa International Space Station (ISS) niadtong Sabado human gipalupad sakay sa Cygnus spacecraft gikan sa Cape Canaveral sa Florida sa Estados Unidos niadtong Martes; ug Buhian ang Diwata-1 gikan sa ISS sugod karong Abril ug molibot sa kawanangan sa mosunod nga 20 ka buwan.
* * * Ang gamhanang teleskopyo ug mga kamera sa Diwata- 1 gipaabot nga makapada og hangtod 3,500 ka high resolution nga mga hulagway matag adlaw, kanusa kaduha siya molabay 400 ka kilometro ibabaw sa Pilipinas. Ang on- demand ug real- time nga kasayuran makahatag og mas tukmang mga hulagway sa kahimtang sa atong kadagatan, kasapaan, kalasangan ug mga umahan, kahimtang sa panahon ug epekto sa katalagman.
Gilaoman nga mao na ni sinugdanan sa space program sa Pilipinas. Matod ni Kalihim Mario Montejo sa Department of Science and Technology ( DOST) ang malampusong pagpalupad sa Diwata- 1 nagmatuod nga ang katakos ug kinaadman sa Pilipinhon moambas sa kalantip sa pangutok sa mga siyentipiko sa ubang bahin sa kalibotan.