Kakugi sa pag-Google
Kon nidangop pa lang unta sa Google si Kongresista Joel Mayo Almario sa Davao Oriental sa wa pa mangutana ni Ombudsman Conchita CarpioMorales, di unta siya mauwawan. Kay matultolan unta siya sa Google sa tukmang mga tubag sa iyang mga pangutana. Gawas pa, di unta mausik ang panahon sa Kongreso nga nagsubli sa gisugyot nga budget sa Ombudsman ug ubang mga buhatan sa sunod tuig.
Kon nisuwat pa lang sa browser og “define ombudsman,” mapahibawo unta siya sa Google: “om·buds·man 'ämb?dzm?n/ [noun] an official
*** Labihan kamatinabangon ang Google nga kasagaran siya pay mosugyot unsay ganahan nimong mahibaw-an mahitungod sa buhatan sa Ombudsman. Kon mo-type ka og “ombudsman philippines” sa browser, makakita ka og dropdown sa search predictions. Usa nila ang “list ombudsman philippines.”
Nga kon i-click mohatag sa lista sa mga Ombudsman sa Pilipinas: Conrado M. Vasquez, 19881995; Aniano A. Desierto, 1995-2002; Simeon V. Marcelo, 2002-2005; Merceditas N. Gutierrez, 20052011; ug Morales, 2011-hangtod karon. Nilang lima, silang Vasquez ug Desierto ray nakatiwas sa ilang termino. Si Marcelo ni-resign human sa tulo ka tuig human giapiki sa pamunoan ni kanhi Presidente Gloria Macapagal-Arroyo ug si Gutierrez nipahawa human sa unom ka tuig tungod sa hulga sa impeachment. pahibaw-on ka nga pito ka tuig ang ilang paghupot sa katungdanan nga di mahimong lugwayan ni itudlo pagbalik.
Kon i-click ang “ombudsman philippines office,” tultolan ka sa Google sa buhatan sa Ombudsman nga labing duol nimo, sa akong kaso ang Ombudsman Visayas uban ang mapa sa kanhi compound sa Department of Agriculture (DA 7) , hulagway sa buhatan, zip code (6000) ug numero sa telepono (032255 0976).