Presyo sa lana sa Mayo

Maayong balita alang sa mga motorista. Padayong nitidlom ang presyo sa lana sa merkado sa kalibotan tungod sa duha ka hinungdan: Una, ang padayong pagbaha sa suplay sa lana gikan sa Estados Unidos; ug ikaduha, ang paghibalik sa suplay sa lana gikan sa Libya.

Hinaot nga mosangpot ni sa pagtidlom sa presyo sa lana sa ikaduhang sunudsunod nga semana dinhi sa Sugbo ug Pilipinas. Human sa pagdumili sa Russia paglaslas sa ilang produksiyon sa lana hangtod sa ikaduhang tunga karong tuiga, nga nakatampo sa pagtidlom sa presyo sa lana sa

niaging semana, gituohan nga madugangan ang suplay tungod sa pagkahusay sa gubat sa Libya.

Sa pagsud sa Mayo, nangagpas ang mga eksperto nga magagad ang presyo sa lana sa mosunod:

-Ang panagtagbo sa mga sakop sa Organization of Petroleum Exporting Countries (OPEC) karong Mayo 25;

-Padayong pagsaka sa produksiyon sa shale oil producers (mga kompaniya nga naggamit sa mas bag-ong teknolohiya sa pagkuha og lana gikan sa mga bato) sa Estados Unidos;

-Resulta sa piniliayng presidensiyal sa Iran; ug -Hudlat sa gubat nukleyar sa Asya tali sa Estados Unidos ug North Korea.

***

Ang tigom sa OPEC karong buwana mahimong maapektahan sa pahibawo sa Russia nga kutob ra sa Hunyo ang laslas sa ilang produksiyon. Kay ubos nang kalibotanong produksiyon sa lana, wa nang kakita ang mga Ruso og panginahanglan sa pagpadayon sa pag-iban sa ilang produksiyon sa lana hangtod sa ikaduhang tunga karong tuiga.

Samtang nitidlom ang produksiyon sa lana sa Estados Unidos sa niaging semana, niburot ang pundo sa gasolina sa merkado sa kalibotan. Sa way paghisgot sa katakos sa mga Amerikanhon sa pagdugang dayon sa ilang suplay sa bisan unsang timaan sa pagsaka sa presyo. Gipaabot ni nga padayong mobira paubos sa kalibotanong presyo sa gasolina.

*** GipaabotngamasublianangpresidentekaronsaIranngasiHassan Rouhani,angmoderatengamaoyresponsablesapag-umologkauyonan uban sa Estados Unidos sa paghunong sa ilang programa paghimo og armas nukleyar.

Apan ang tinuod nga magbuot sa Iran mao ang Supreme Leader ngasiAyatollahAliKhamenei.Ngamahimongmopaborsakonserbatibo nga si Ebrahim Raisi. Kon modaog si Raisi motumaw ang kabalaka sa pag-ulbo sa laing krisis sa Iran nga mopaburot sa presyo sa lana.

***

Ang pasidaan sa Amerikanhong mga eksperto sa kahigayonan nga moulbo ang gubat nukleyar sa Asya kon di mabadlong sa Estados Unidos ang nag-usbaw nga puwersa sa Pyongyang makaapektar sab sa presyo sa lana. Kay makatay-og sa ekonomiya sa mga nasud sa Asya nga apil sa labing dagkong konsumidor sa lana.

Kon di mabadlong ang hudlat sa North Korea pagpalambo sa ilang mga armas nukleyar, bisan sa inusbawang presensiya sa Amerikanhong mga barkong igugubat, motidlom ang demanda ug motibugsok sang presyo sa lana.