Hawod apan di kapatuyang
Ang Sugbuanon nga si kanhi Senador Serge Osmeña may talagsaon nga mga paghulagway sa liderato ni Presidente Rodrigo Duterte:
•Mahimong ganahan si Presidente Duterte nga magdiktador apan kapugngan siya sa ubang mga opisyal ug mga buhatan sa gobyerno;
•Mahimong mameligro ang demokratikanhong mga institusyon ubos sa pagduma ni Presidente Duterte apan kapin sa tulo ka tuig na lay nahibilin sa iyang termino; ug
•Ang puno sa pagpamalikas ug pagbinastos niyang mga pa kigpung ma him on gm ak am ants as a a ton g na sud non gk a dung ga nan apan ang sunod nga presidente di na sama niya.
***
Atol sa iyang pakighinabi sa Arangkada sa DYAB 1512 Abante Pa, Bisaya gahapon, among nasihag ang katakos ni Os meña sap ag l ant aw sam asdakoug mat i nu d-anonghu lag way:
•Makapa-alarma ang sunudsunod nga extrajudicial killings sa gidudahang mga durugista apan ang duguong kampanya nakapatidlom sa kriminalidad mao nga mayoriya sa katawhan nagpaluyo gihapon ni Presidente Duterte; ug
•Nagbuntaog ang gahom ni Presidente Duterte, tungod sa isog ug mapalabilabihon niyang mga sulti morag ang tanan niyang gusto ang matuman, apan di siya makapatuyang sa pagpanglaktod ug pagpangyatak sa balaod.
***
Nabantang ni sa gidangatan sa kontrobersiyal nga sugo sa presidente sa hingpit nga military takeover sa Bureau of Customs (BOC):
•Nisugyot si Justice Secretary Menardo Guevarra nga aron di malapas sa pagdili sa 1987 Constitution igo lang idestino ug di itudlo ang mga sundawo sa BOC;
•Nitimang si Presidential Spokesperson Salvador Panelo nga igo lang magbantay aron manghudlat ang mga sundawo sa taga BOC; ug
•Nideklarar si Customs Commissioner Rey Leonardo Guerrero nga ilegal ang military takeover ug busa magpabiling mga sibilyan maoy moduma sa BOC.
***
Ang limitasyon ni Presidente Duterte sa pagtutok lang sa kampanya batok sa ilegal nga drugas klarong gikabayan sa iyang mga gipanudlo nga mga balhibuon og kamot. Nagpatuyang sa pagpangawat kutob sa mahimo samtang sila pay nagtungkawo sa gahom. Nasuhito sila nga sulti lang ang mga hudlat sa presidente nga iyang patyon ang mga kawatan sa gobyerno.
Ang pag-recycle ug pag-promote sa iyang mga tinudlo nga nabulilyaso wa katabang sa iyang kampanya batok sa pangurakot.Ang hinog na niyang pangedaron wa sab katabang sa iyang katakos pagbantay ug pagbaraw sa tanang palusot sa iyang palibot.