The Freeman

Pabiling inutil sa vote buying

-

Dihang gitukod ang Comelec Task Force Kontra Bigay, duhay ilang pasalig: Kamao ang pangu nga si Commission­er Aimee Ferolino kay nahimong election officer sa Davao; ug imbestigah­on ang mga pasangil bisan way pormal nga reklamo.

Makapabili­b ang mga ahensiya nga gipaubos sa task force: DOJ, NBI, Presidenti­al Anti-Corruption Commission, DILG, PNP, AFP, Bangko Sentral ng Pilipinas, Anti-Money Laundering Council, ug Philippine Informatio­n Agency. Gipatabang ang Integrated Bar of the Philippine­s ug Legal Network for Truthful Elections. Duna pay Facebook account (facebook.com/kontrabiga­y2022) ug email (kontrabiga­y@gmail.com).

Liwas na lang sa eleksiyon, naproklama­r nang kasagaran sa mga nidaog sa lokal nga mga posisyon, wa pay kaso nga giimbestig­ar sa task force ang napasaka sa piskaliya o korte. Bugtong nasupinaha­n si Rose Nono Lin, gipasangin­lang nanuburno sa mga botante sa ikalimang distrito sa Quezon City, nga nisalikway niya pagka kongresist­a. Kandidata unta siya sa Lakas-CMD pero gitaktak sa partido human gilambigit sa nangalisbo nga Pharmally scandal. Pero nagpa-goryo-goryo sa na-dokumento sa mga sakop sa media nga bantang nga pagsabod og kuwarta sa mga alyado sa administra­syon.

Sama sa nasakpan sa mga kamera nga pag-apud-apod ni Laguna Governor Ramil Hernandez og mga sobre nga may sud nga kuwarta atol sa pangampany­a ni vice presidenti­al candidate Sara Duterte. Naletratoh­an sab ang pagpanghat­ag og mga sobre nga may kuwarta sa Sta. Rosa Nueva Ecija pinaagi ni Gobernador Aurelio Umali. Nasakpan sab si Cavite Governor Jonvic Remulla nga nanghatag og kuwarta atol sa Marcos-Duterte rally sa Dasmariñas City. Di kahibudnga­n nganong silang Ferolino ug ubang komisyonad­o sa Comelec kurog sa mga nakatabang pagpadaog sa anak sa nagtudlo nila ug sa sunod nga presidente sa republika.

Mas klaro ang lihok sa kapolisan. Nasusi nilang 20 ka insidente sa vote buying --10 ang padayong giimbestig­ar, tulo ang napasaka na sa piskaliya ug usa napasaka na sa korte-- uban ang 15 nga nadakpan, ug siyam ang gipangita pa sa Ilocos, Cagayan, Central Luzon, Calabarzon, Western Visayas, Zamboanga, Northern Mindanao, ug Metro Manila. Pero ang ilang nadakpan pulos gagmay ug pulos taga oposisyon. Gipasangin­lan ang mga polis sa Sugbo ug ubang bahin sa Pilipinas nga nilingiw sa mas grabeng vote buying sa taga administra­syon.

 ?? ??

Newspapers in English

Newspapers from Philippines