'Around the Word'
Habang nag-i-Eat, Bulaga! nung August twenty-one,
Ako’t ilang Dabarkads nakatambay sa Host Room,
Lahat, pwera ako, merong iPad sa harapan
Nang biglang tungkol religion ang naging usapan. Nasentro sa United States ang aming interest,
Ano nga kaya sa Amerikano ang largest?
Kaya kay Ma’am Malou Google agad aming request,
Syempre, “What is the largest ministry in the U.S.?”
Google/Wikipedia mabilis talaga aksyon,
Joel Osteen ang sinagot na s’ya ang
number one, Inulit ko pa sa iPhone ko at sagot di’y ‘yon, Then I thought, “What’s the largest
naman ba in our nation?” Pinalitan of course, lang ang “U.S.” ng “Philippines” Naghulaan kami at kanya-kanyang manok, Mabilis din ang aksyon pero ito ang sagot — Dyarannn! “Ministry of Education, Culture and Sports!”
Nyuk, nyuk, nyuk! True story ‘yan at marami nang ganyan
Sa Eat, Bulaga! na mga kwelang kasaysayan,
Ako lang ang matyaga at dakilang historian,
Sinusulat at tinatago litrato man ‘yan.
Hesus, Maria, Hosep, mga Anghel at si San Juan! Akalain n’yo naman aming pinagdaanan — Mahigit Tatlong Dekada’t araw-araw pa ‘yan!
At kapag pinalampas mo’y t’yak malilimutan.
Si Paolo Ballesteros you know naman siguro,
Magaling mag- transform at sarili ang modelo,
Ang husay n’yang gumaya, espesyal n’yang talento,
Mga Hollywood icons pa like Marilyn Monroe. At nakakatawa pa pag sumasagot ito, Ang pogi’t magandang babae’y sira rin ulo!
Nang mag- Angelina Jolie, si Brad tinanong ko, “Pareho lang kaming BROD at may pi
PITT din ako!” Anne Hathaway, Audrey Hepburn … para Si bang nag- cloning!
Mariah Carey at Britney Spears n’yay ang galing!
At nang mag- Madonna, he jokingly said something,
“Ang ganda ko ‘no? Pero wala rin … LIKE A BIRD DIN!”
He, he, he … sa Bulaga kasi kahit katiting
Eh dapat meron kang harot at medyo tililing,
Kumbaga, dapat sumisirko at tuma-tumbling,
Ako nga pinasisirko pati salita rin.
Ba’t pag heavy traffic parang naka- stop sasakyan? Rambolin mo letra ng TRAPIK … PARK
IT lang naman! Bakit ang ambon hindi major event like ulan?
Kasi ‘di tunay na anak ng langit … AMBON lang!
At ano naman ang kinukurot na masarap?
Ano pa eh di lechon na malutong ang balat!
Lechon ay baboy at ang laman ay PORK na sikat, Pag pinagsama KUROT at SARAP … in short, KURAP!
Basahin nang baliktad ang PORK at magugulat,
KROP … ‘di ba katunog ng nagmamadaling CORRUPT?!
Ngak! At dahil sa Luneta ang rally ginanap,
Papalitan na raw ng LUNETA PORK ang lekat!
At ang KROP ay katunog din ng Ingles ng “ebak”
Na laman madalas ng mga itinatalak
Ng ilang pulitiko’t ‘yon pala ay may balak Na papakin mga ibinabayad nating TAX!
Bakit madalas magkasama ang salad, soup, nuts?
Rambulan ito ng letra nang makita ang match,
Ang SALAD ay DASAL at nasa PUSO (SOUP) dapat,
End it with MANE … and that’s AMEN! Now take off your hats!
Naaalala n’yo ba na may kasabihan nun
Na pag ang tao’y may “katu sa utak” may sumpong?
Pero nahuli’t nalutas ko rin nang lumaon,
Wala s’yang diperensya bagkus ay mas marunong!
Ang pag-iisip lang n’yay malikot at maharot
Katulad lang ng KATU … UTAK pag pinaikot,
Subalit tanggap ko ring pagitan ay ga-buhok
Ng henyo’t baliw … tila magkabuhol ang buntot.
Ngunit walang masama kung ganyan mo gamitin
Laman ng ulo mo’t sa ‘yo ‘yat walang aangkin,
At kung ‘di mo naman susubukang paglaruin,
Pa’no mo pa malalaman kaya n’yang marating?