‘Just Saying...’
Nitong nagdaang mga araw at linggo,
Pananaw sa ibang kasabihan nagbago,
Nagkaroon ng ibang kahulugan ito,
At sa gitna ng gulo ay naka-imbento!
Mga kasabihang luma, bago’t binago —
“Tigok na si Castro…
Cuba ba’y didiretso?” Gayon din sa paligid, ano sa tingin n’yo? “Aanhin pa DEMO kung patay na kabayo?” “Habang may buhay may pag-asa” ay naiba — “Kahit patay na meron pa ring pag-aalsa!” Meron pang isang mas pasok at mas maganda — “Buhay man o patay meron pa ring pagEDSA!” “Pag wala na tao, one minus one ‘di na TWO!” Subalit ang iba ayaw tanggapin ito, “Pag may itinanim may aanihin” but no, “Kahit nakatanim na hukayin pa gusto!” Wala na ang rebolusyunaryong Kubano, Sa iba ay pahirap, sa iba ay hero! Subalit pakiramdam ko’y hindi nagbago — Tunay na rebolusyunaryo sa totoo! Lennon pa rin at ang Kastilang si Picasso! At kailan nga lang napansin ng Ang Poet N’yo — Ang unang pangalan ng dalawa kong “hero” Pala ay John o Juan at ang isa ay Pablo! Apostolic? But there’s a new meaning na dito, Sila ‘yung mga nag-aalaga ng apo! At iba naman si San Quilo at San Gramo, Sila ‘yung mga APOSTULAK naman kaso! Kaya aanhin pa ang demo este, damo Kung patay na ang kaba n’yo este, kabayo? Maligaya, hindi maligalig na Pasko! Joy to the World na lang at Silent Night na tayo! LGBT, LNMB… ang daming isyu, Pwede ba please MPMBT muna tayo, Alam n’yo na siguro — Maligayang Pasko Manigong Bagong Taon ang isigaw ninyo!
“Pagsasabing TAPAT pagsasamang maluwat.”
Pwede… ngunit sa paniwala ko’y salungat! Ito’y kung pag-uusapa’y ang pag-iingat Ni Sir kay Ma’am sa dahilang isisiwalat! Ito ay kapag si misis ay naglalambing, ‘Yun bang nagpapahiwatig nais mag- loving! Bawat titik ng TAPAT may ibig sabihin, Gawa ng Ang Poet N’yo at sa ganang akin! Pag si babae kasi ay naglalambing na At si lalaki ay nataong walang gana, Kwidaw sa rason kay Ma’am na nagpabango pa At baka ma- hurt, masira pa pagsasama! T-A-P-A-T… ikatwiran ay ‘wag na ‘wag! Unang letra ng TAPAT ay para sa TAMAD! At baka kung si Juan Tamad kukupad-kupad, Maghanap darling mo ng Pedro na pasiklab! Ang ibig sabihin ng letter “A” ay ANTOK! ‘Wag ‘yan at baka bigla ka na lang isangkot Sa paglilihi ng iba, dun ka matakot! Lalo ka pang tutukan pag bintang pumasok! Letrang “P” ay PAGOD! ‘Wag ka d’yan at may tulog! Baka mga ginagawa mo’y mabulabog, Pagpapahingahin ka lang ng iniirog Upang gumanda yaring tuhog este, tuhod! Pangalawang letter “A” ay para sa ARAY! ‘Wag sabihing ulo mo’y ginugutay-gutay! O ikaw’y nangangalay o kaya’y may pilay, Baka sabihing saktan na rin s’ya nang pantay! Ang huling letter “T” ang malupit… pinaka! Tapos ang boksing! Hiwalayan na kumbaga! ‘Wag sasabihin kahit ano’ng mangyari pa! ‘Wag na ‘wag mong sasabihin na may TULO ka!