‘Panghimagas Ni Misis’
Nakukunsume? Balisa? Naguguluhan?
Sa salitang Ingles isa lang kahulugan —
STRESSED ka at matagal na rin nating alam
Na salitang ‘yan DESSERTS ang kabaliktaran!
Ano ba, ito ba ay nagkataon lamang?
Baka ma-stress ka lang kung pag-iisipan!
Basta mahalaga at tanggap natin naman —
Kung STRESSED ka ay DESSERTS ang isang gamot d’yan!
Hindi nga sapat pag no dessert ang kainan! At kung minsan nga ‘yun nga lang nilalantakan! Ang main course and event nga ay nilalagpasan! Bibig ko’y ubrang pamahayanan ng langgam!
Sa desserts ka lang talaga napaya-yum yum!
Well, nasa sa iyo kahit ‘di mo tantanan
Ops, control kung miyembro ka ng MEDIA naman… MEDIA… MEDIA-BETES ang ibig sabihin n’yan!
Subalit may isa lang akong katanungan —
Kung sino ba ‘yang magaling na nagpangalan
Sa Tagalog ng dessert na may kapanghihan!
PANGHIMAGAS? Bakit hindi MATAMIS na lang?
Dahil pagsaliksik parang dessert ko na ‘yan, HIMAGAS naman siguro ang pinagmulan Ngunit alisin na rin HI at MAGAS na lang,
MAGAS ay pinaikling MAGASUKAL naman!
PAMPAALIS NG SUYA ang tawag d’yan minsan
Ngek! Nabusog na nainis pa? Ano ba ‘yan?
Basta dessert o panghimagas ano pa man, We deserve to be served pagkatapos kainan!
Desserts ngayon marami na ang matitikman,
Ngunit sa pagkakataong ito’y bibigyan
Ng balik-pagtanaw at pahahalagahan
Ang mga panghimagas na nakalakihan!
Lahat naman ng desserts sa akin ay welcome!
But may mga “pinaka” sa aking listahan — It’s a Thai I mean from Thailand… Khao Niao Mamuang! ‘Yan ang Mango Sticky Rice kung ‘di pa n’yo alam!
Naturalmente Mango Sago at Ginatan —
Lalo Munggo, Mais at halohalo laman!
Pero para sa ‘kin ang ‘di pagsasawaan —
HALO-HALONG MAY KASKAS NA YELO’T MALAMAN!
Nung araw ang Ice Cream pag merong may birthday lang!
Fruits madalas dessert— mangga, saging o pakwan!
MILON ay iniinom like sago’t gulaman,
PANUTSA ang malimit sa natatandaan!
Panutsa kung inyo nang nakakalimutan,
Pinatigas na matamis na bao lang ‘yan!
Korteng bao talaga na magkasakluban, You can make ngatngat or tadtad… kendi labas n’yan!
‘Yan ay ‘yung sa amin na buhay ay simple lang,
Kaiba sa mga kaibigang mayaman —
Doon ay may platito pa na lalagyan…
Lalagyan ng Apple Pie o kaya’y Leche Flan!
Ngunit aaminin ko at katotohanan,
Tunaw ang halo-halo sa pangkalahatan!
Hindi na naglaho ligaya nang matikman…
ANG MATAMIS NA OO NI EILEEN DE LEON!