‘Tulog-Vision’
Nabanggit na sa isa sa sinulat kong kanta
Ang kahiwagaan ng panaginip kumbaga,
At noong Seventies sa Metropop nilahok s’ya At kauna-unahang RAP Award nakuha pa!
Totoo namang panaginip lang makikita
Hindi makita pag gising at dilat ang mata!
At kahit na nga sinong mga seksi’t maganda,
Sa panaginip possible mong maroromansa!
Mahalaga rin na banggitin ko muli rito
Na awitin sa Metropop na ipinanalo
Ay “Longganisang Maong, Dagang Denims” titulo
At ang buong kanta ay NAPANAGINIPAN ko! No balls! I mean walang bola! Ito ay totoo! Kasabihan nga — And the rest is… alam na ninyo! Basta parang naging antinganting ko na ito! Lucky song? Pwede… Anthem — anthem ng Ang Poet N’yo!
Hindi na nawala MAONG at DENIMS sa uso!
Nagkaroon na ng Iskul Bukol at Wanbol U! And like Longganisa ay naging LONG ANG ISANG SHOW!
Nabuo DA GANG… Dabarkads tawag namin dito!
Akalaing kanta na panaginip ang topic
Na habang nahihimbing sa isip ko’y gumimik!
Mitsa nga kaya ng pinapangarap naming EAT?
Mabuti’t ‘di ako tutulog-tulog sa idlip!
Sasabihin ng iba nagkataon lang ito
At naisipan ko lang purihin sarili ko;
‘Yun bang tila sinosolo ko lang ang kredito
Hmmm… kaya narito pagpapatuloy ng kwento!
Para mailarawan na lahat konektado —
Nakikitulog ako noon sa isang kwarto
Nang panaginip nagkonsyerto sa aking ulo!
Ang silid ay nasa tahanan ng mga SOTTO! Well, marahil ang pinakasalamin na rito
Sa mga pangyayari sa buhay naming tatlo —
Ang APAT NA DEKADA… at ARAW-ARAW ‘to ‘no!
Waring sa isang panaginip lang ba totoo!
Pagpalagay na lang ‘di pa kami nagigising
Sandali la’t palalim na tayo nang palalim!
Sana lang ay lumalim pa ang sarap ng himbing
Hanggang panaginip maipaliwanag natin!
Sa panaginip meron akong isang teyorya —
Kung bakit minsan napakagulo n’ya talaga!
Dahil ito ay namamasyal at sumasama;
Nakikihalubilo TULOG-VISION na iba!
O ayan ha, may bagong salita na akong gift
Para sa darating na anniversary ng EAT! Malay n’yo someday sa dictionary maisingit — TULOG-VISION o TULOGBISYON ang PANAGINIP!
At hindi kayo nananaginip s’yanga pala
Kapag ang bagong istudyo namin ay nakita —
Ang APT Studios ay talagang kitang-kita!
Kung hindi ba naman kulay nito’y PULANG-PULA!
Bakit daw kulay ng gusali namin ay pula?
Sapagkat ang iba pang salitang makukuha
Sa “PULA” ay ULAP at LUPA o hindi nga ba?
Kumpleto na s’yang may LANGIT at LUPA kumbaga!
O eh ano ngayon sa palabas namin halaga?
Ang paliwanag ba ay kinakailangan pa?
Ang layunin lang namin ay magkasama-sama Mga nasa itaas at ang mababang masa!
Sa Martes, July 30, kumpleto na talaga
Ang Eat Bulaga sa kanyang APAT NA DEKADA!
Ano sa tingin n’yo dapat bang magretiro na? Eh wala ngang DAY OFF sa retirement ang problema!