Cesar Montano inally breaks silence on viral video
Binasag na ni Cesar Montano ang kanyang katahimikan kaugnay ng viral video niya.
Sa pamamagitan ng matalik niyang kaibigan na si Dolly Anne Carvajal, nagpaliwanag ang aktor tungkol sa video greeting niya para sa isang konsehal na naging viral dahil sa babaeng tila nakahubad na nahagip ng kanyang cellphone camera.
Pahayag ni Cesar sa mensaheng ipinadala niya kay Dolly Anne sa SMS: “Bff, you won’t believe that I get thousands of requests for video birthday greetings.
“But the thing is, I can’t grant their requests to focus on the background instead of me. And a hundred other requests are for my voice-over greeting only so the video will zoom in on the background (laughs).
“My favorite spoof is by Buknoy. It totally cracked me up. I’ll send it to you through Viber.”
Inilathala ni Dolly Anne ang mensahe ni Cesar sa column niya sa Philippine Daily Inquirer noong Sabado, November 3.
Noong October 30 ay kumalat sa social media ang video greeting ni Cesar para sa isang kagawad.
Ginawan ito ng spoof, parody, at maging challenge ng ilang netizens, kabilang na ang radio DJs na sina Sam YG at Tony Toni.
Maging si Cesar ay sinakyan ito sa video greeting na ipinadala niya sa GMA News anchor na si Arnold Clavio.