Kobe Paras posts cryptic message about user-friendly people
Nagpahaging si Kobe Paras ng mensahe sa tila naengkuwentro niyang user-friendly people.
Si Kobe ay anak ng exmarried couple na sina Benjie Paras at Jackie Forster.
Kasalukuyan siyang miyembro ng basketball team ng University of the Philippines, o kilala bilang UP Maroons.
Hindi idinetalye ni Kobe kung may partikular na insidenteng nag-udyok sa kanyang ibahagi ang malamang mensahe sa Twitter account niya November 6 ng gabi.
Sabi ni Kobe: "most people these days gon love you for what you are, and not for who you are.
"that's why be careful who you trust.
"people will only be by your side when you're useful for them."
Ang screen shot ng tweet niya ay ipinost din ni Kobe sa kanyang Instagram Story.
Kalakip nito ang karagdagang text na nagsasabing, "facts and only facts..."
STRONGER BECAUSE OF FAMILY
Kung anuman ang pinagdadaanan ni Kobe, tila napawi naman ito ng pakikipagpalitan niya ng mensahe sa inang si Jackie.
Sa hiwalay na Instagram post ni Kobe, ibinahagi niya ang litrato ng kanyang tatlong nakababatang kapatid sa ina.
May maiksi itong caption: "my whole
[world emoji]."
Komento ni Jackie sa post ni Kobe: "We miss you soooo much! But I'm excited for you and your holidays [Christmas tree emoji] and also the future for us all! Day by day my love."
PREVIOUS RECONCILIATION
Lubos ang pagmamahalan sa pagitan ni Jackie at Kobe, lalo na't noon lang January 2018 sila nagkita matapos ang 12 taong hindi nila nakapiling ang isa't isa.
Unang nagkita ang mag-ina sa U.S., kung saan nakabase noon si Kobe.
Nagkaroon din ng pagkakataon si Jackie na personal na makita si Andre Paras, ang panganay na anak ng dating aktres kay Benjie, noong April dito sa Pilipinas.
Hanggang sa kasalukuyan, patuloy ang magandang komunikasyon sa pagitan ni Kobe at Jackie.