Tion para sa Pamilya

Sa pihak sang kasakuon; Pamilya tagaan gid sang tini-on;

Bisan sa simple lang nga pagpanglugayawon;

Aton gid handumon kag handurawon.

Wala sang may mausik nga tini-on;

Kung sila kaupod naton.

Biskan sa simple lang nga selebrasyon;

Kalipay nga wala sang tupong aton maangkon; Tungod anhon mo ang madamo nga pilak;

Kung indi mo man kaupod ang imo pamilya.

Biskan mabuslot lang ang imo bulsa;

Napun-an man ang tagipusuon mo sang kasadya.

Ang tion para sa pamilya isa ka bilidhon nga manggad; Nga mas labaw pa sa mga malahalon nga bulawan sa bilog kalibutan;

Nga dapat tipigan kag indi pagpabay- an; Gani maayo nga pagtinamdanay aton palambuon;

Ini aton lamang maangkon; Kung ang kada miyembro sang pamilya

May respeto kag pagpalangga sa kada isa; Kag sang indi matupungan nga pagsalig kag pagsimba

Sa aton Makagagahum nga Manugtuga.