Catriona Gray reacts to non-renewal of Miss Universe Philippines franchise with BPCI
“End of an era” kung ituring ni Miss Universe 2018 Catriona Gray ang hindi pagka-renew ng Miss Universe Philippines franchise ng Binibining Pilipinas Charities, Inc. (BPCI) ngayong taon.
Hinawakan ng BPCI ang franchise ng Miss Universe sa Pilipinas sa loob ng 55 taon.
“I feel, like, as time goes on, a lot of different brands expand, they evolve.
“But I want to pay homage and honor to Stella Araneta and also Binibining Pilipinas for the amazing work that they've done for the last 50-plus years,” pahayag ni Catriona.
Ang beauty queen ang pangalawa sa huling naipadala ng BPCI sa Miss Universe.
Ang huli ay si Gazini Ganados, na umabot sa Top 20 ng Miss Universe 2019 na ginanap noong December 9 sa Atlanta, Georgia.
Dagdag pa ni Catriona, “My experience under them was a very trustful one.
“I felt that they really trusted in my vision and allowed me to represent the Philippines in the best way that I could.”
Sa huli, sinabi ni Catriona na alam niyang hindi titigil ang BPCI sa layunin nitong maghanap ng mga Pinay na ipadadala sa iba't ibang international beauty pageants na hawak pa ng organisasyon. Saad niya, “So it really does feel like an end of an era, in a way, but I know that they will continue being able to bring amazing women up to represent the country.” Sa taong 2020, ang Miss Universe Philippines Organization na ang pipili ng kandidatang ipadadala ng bansa sa Miss Universe. Si Miss Universe Philippines 2011 at Miss Universe 2011 3rd runnerup Shamcey Supsup ang National Director ng Miss Universe Philippines Organization.(Arniel