Die fynere punte van gebaretaal
MBOMBELA - ‘n Internasionale kompetisie met die omvang van Mej. en Mnr. Dowe Wêreld, Europa en Asië bring verskeie logistieke uitdagings mee.
Die organiseerders Zané Jansen van Rensburg and Jacques Lombard is al sedert hulle in Februarie die lisensie gekry het om die kompetisie aan te bied, hard aan die beplan. Kommunikasie tussen deelnemers en organiseerders is maar een uitdaging, meer so omdat die deelnemers in gebaretaal kommunikeer, en daar verskillende gebaretale is.
Oorspronklik het hulle R70 000 begroot vir tolke, maar toe die provinsiale regering se ondersteuning wegval, kon hulle slegs op tolk Ronel Maree staatmaak. Daar isverskeiegeb are ta alkommun ike e rd ers (signers), maar Maree is die enigste een wat kan hoor. Die ander kry die boodskap van haar wat dit dan aan die deelnemers van die verskillende lande oordra. “Ons het slegs een tolk vir 22 deelnemers,” verduidelik Jansen van Rensburg.
Maree het bygevoeg dat, hoewel dit ‘n uitdaging is, mense wat gehoorgestremd is hul gebare aan sal pas om die ander in ag te neem.