Uitstekende nuwe boek oor Boereoorlog bekendgestel
MBOMBELA - Die veelsydige plaaslike wetenskaplike en geskiedskrywer, dr. Tian Schutte het nog ‘n uitstekende boek oor die Anglo-Boereoorlog uitgegee.
Treinvernielers, saam met Peet Coetzee, is ‘nlywi ge, go edgeïl lustre er de pub likasiew at handel oor die aanvalle op treine, stasies en spoorlyne in die ZAR gedurende die Anglo-Boereoorlog tydens 1899 tot 1902. Net 1 000 boeke is gedruk en sal beskikbaar wees by die bekendstelling in Mbombela op Woensdag 7 Augustus om 18:00 by Orange Restaurant. Die aand sluit ook ‘n boeiende praatjie met beeld in.
Die geleentheid is deel van Laevelder se gereelde Pen in my Handboekbek ends telling s en gebeur in samewerking met Mpumalanga Erfenis.
Treinvernielers is net so deeglik nagevors en toeganklik aangebied soos Schutte se eerste boek Guerrillastryd, oor die minder bekende veldslae en skermutselings tydens die Anglo-Boereoorlog - meestal in die ou Oos-Transvaal. Die boek is destyds baie goed ontvang deur geskiedskrywers. Enkele kopië hiervan is nog beskikbaar.
Schutte is hierdie jaar die ontvanger van Mpumalanga Erfenis se toekenning vir plaaslike geskiedskrywing met sy twee publikasies. Die toekenning word ook op die aand van die bekendstelling en praatjie gemaak. Vorige ontvangers was prof. Peter Delius van Wits oor sy uitgebreide geskiedskrywing en deelname in twee publikasies oor die geskiedenis van die streek, dr. Salomon Joubert vir Die Geskiedenis van die Krugerwildtuin en dr. Gerrit Haarhoff vir sy boek oor die vergete wapaaie van die platorand en die Laeveld.
Belang-stellendes wat graag ‘n aand wil bywoon moet flink bespreek by 083-628-7759. Plek is beperk. Die koste is R60 per persoon en sluit ‘n heerlike bord kos in.