Verskuif jou fokus om finansiële welstand in moeilike tye te handhaaf

Wanneer markte daal en onsekerheid voorlê, kan dit moeilik wees om te voel dat jy in beheer is. Die uitdagings van ‘n pandemie, die gevolglike resessie en landswye inperking bied ‘n geleentheid om hanteervaardighede te ontwikkel en gelei te word deur ‘n verandering in jou perspektief om op langtermyn-finansiële doelwitte te fokus.

Hier is ‘n lys van ‘n paar belangrike dinge wat jou kan help om jou finansies en finansiële welstand in hierdie moeilike tyd te bestuur:

1. Moenie jou geestesgesondheid ignoreer nie - kry hulp om spanning, depressie of angs te beheer en te hanteer.

2. Kry ‘n professionele finansiële beplanner om jou met jou finansiële welstand en langtermyndoelwitte te help.

3. Maak gebruik van tydelike verligtingsopsies wat aan jou beskikbaar is.

4. Leer finansiële welstandsgewoontes aan:

• Bly gefokus op jou doelwitte; spaar vir aftrede en hersien dit gereeld met jou finansiële beplanner.

• Stel ‘n begroting op en beheer dit. Dit behoort spaarsame besteding en die vermyding van impulsiewe besteding (wat deur spanning veroorsaak kan word) in te sluit om jou rande te rek en te kyk of jy geld vir ‘n gebeurlikheidsfonds opsy kan sit.

• Bestuur skuld verstandig deur, indien moontlik, dieselfde bedrag soos voor die rentekoersverlagings te betaal. Sodoende sal jy dit gouer afbetaal. Moenie skuld aangaan om vir verbruik te betaal nie. 5. Hou sielkundige afstand deur om op die geheelbeeld op jou finansiële doelwitte te fokus.

Sielkundige afstand verwys na die verskuiwing van jou fokus van jou onmiddellike omstandighede na die langer termyn of geheelbeeld (waarom jy iets doen).

Kontak Annatjie Els by 013-880-0061 of 083-679-4697 vir professionele advies. Sanlam is ‘n gelisensieerde finansiële diensteverskaffer.