Wat AfriForum sê

AfriForum het met afgryse kennis geneem van die voorval by die Witrivier-polisiestasie vroeër vandeesweek.

“AfriForum het reeds kontak gemaak met Delia Human en Barend Byliefeldt wat geraak is deur die voorval, en daar word deurentyd leiding en ondersteuning gebied. Gister is die persone deur AfriForum bygestaan om kriminele klagtes aanhangig te maak.

“Die aangeleentheid sal ook na PSIRA verwys word vir verdere ondersoek. Die oënskynlike nalatigheid deur die SAPD sal deur AfriForum se privaat vervolgingseenheid ondersoek word, waarna alle klagtes wat gelê is in dié verband met valkoë dopgehou sal word om seker te maak dat geregtigheid geskied,” sê Marnus Kamfer van AfriForum.