Leiers ondersteun mekaar
Dr. Carolina Botha, akademiese koordineerder: werkgeïntegreerde leer, van die Noordwes-Universiteit, het onlangs die superleiers van Hoërskool Rob Ferreira weer kom herinner aan die eienskappe wat mense leiers maak.
“Elkeen bring unieke eienskappe na die tafel en so word ’n sterk span gevorm,” het sy gesê. Dié groep jong leiers voel sterk oor lojaliteit, respek, ondersteuning en naasteliefde. Hulle het elkeen krities na hulself gekyk en Botha het hulle laat besef dat Rob Ferreira se leiers op mekaar kan staatmaak.