Rugbykliniek met die Pumas baat Bergvlam

MBOMBELA - Die rugbyafrigters van Hoërskool Bergvlam het onlangs die geleentheid gehad om ’n rugbykliniek by die Mbombelastadion by te woon.

Die skool se afrigters het ’n dinkskrum gehad saam met die afrigters van ons eie Pumas: MJ Mentz, Corné Fourie en die alombekende Jimmy Stonehouse.

Die kliniek is moontlik gemaak is deur Chris Weideman van Motswako Office Solutions. Motswako Office Solutions is een van die NCC Pumas se amptelike borge.

Die rugbykliniek het afrigters bemagtig om leerders slaggereed te kry vir die winterseisoen ná die jaar van Covid-19 waartydens daar maar min rugby gespeel is.

Die fokus word op die fiksheid van elke speler in die span geplaas.

Voor: Deon Immelman, die tweedespanafrigter vir 2021, LeClue Cilliers, betrokke by o/14’s, Pieter Pertrius, afrigter vir o/16’s, MJ Mentz (Pumas), Jaydan Louw, die eerstespanafrigter, Gerhard van der Walt, afrigter vir o/15’s, Tristan Louw, ook eerstespanafrigter, (agter) Pieter Wolmarans, sportorganiseerder en eerstespanafrigter, Deon Visser, die hoof, Corné Fourie (Pumas), Jimmy Stonehouse (Pumas), Chris Weideman (Motswako) en die adjunkhoof van Bergvlam, Org van den Berg.