Baba MJ verloor sy harde stryd
MBOMBELA - Op Saterdag 15 Mei teen 20:45 het klein MJ Erasmus sy dapper stryd van agt maande verloor.
MJ is in Mediclinic Nelspruit oorlede nadat hy Vrydag in die hospitaal opgeneem is.
Vroeg in April het die Erasmusgesin die nuus ontvang dat daar medies gesproke niks meer was wat vir MJ gedoen kon word nie, en hy is sedertdien by die huis met sterk pynmedikasie en verdowingsmiddels gemaklik gehou. Vandat hy op 2 September in Mediclinic Nelspruit gebore is, was sy lewe vol uitdagings.
Voor sy geboorte al is hy met klompvoetjies gediagnoseer en daarna het verdere komplikasies met sy stryd om op sy eie asem te haal, weens longontsteking en hartversaking, dadelik begin.
Na verdere toetse is MJ later met agenesie van die corpus callossum asook kraniosinostose gediagnoseer, wat beteken dat hy nooit op sy eie kon asemhaal en sy brein nooit
Laevelders het van die begin af saam met die Erasmus-gesin gejuig, gehuil en gebid vir dié dapper seuntjie
verder as dié van ’n pasgebore baba sou ontwikkel nie.
Laevelders het van die begin af saam met die Erasmus-gesin gejuig, gehuil en gebid vir dié dapper seuntjie.
In ’n Facebook-plasing skryf sy ma Adri aan haar babaseuntjie: “Dis onnatuurlik vir ’n ouer om ’n kind aan die dood af te staan. Hoe kom ’n mens oor dit? My wêreld in stukke. Ek vertroos my daaraan dat jy vir ons met daai mooi blou ogies kyk, met die mooiste voetjies wat kan loop! Ek mis jou, MJ… so verskriklik baie!”
Adri sê MJ het tot die bitter einde geveg.
“Vir nou rou ek oor jou! Ek mis jou elke liewe sekonde van elke dag. Ek sal jou altyd liefhe! Al my liefde. Van Mamma,” sluit sy af.