Die belangrikheid van goeie advies

Suid-Afrikaanse verbruikers is onder druk. Kragverhogings, stygings in brandstofpryse, hoër eiendomswaardasies en voedselpryse wat styg, het ’n uiters nadelige uitwerking op ons maandelikse begrotings.

Professionele finansiële advies kan jou ’n ander perspektief op jou finansiële uitdagings gee. ’n Gekwalifiseerde adviseur kan jou help om vir onvoorsiene gebeure te beplan en ’n plan in plek te plaas om jou gesin te beskerm wanneer ’n ramp jou tref. Ons moet almal ’n balans tussen ons daaglikse uitgawes en ons medium- en langtermyn- finansiële doelwitte vind. Omdat die lewenskoste skerp styg, moet ons vroeër en slimmer begin spaar om finansiële onafhanklikheid by aftrede te verseker. Ons moet bates verkry en dit versigtig bestuur en vooruit beplan vir toekomstige uitgawes, soos skool- en universiteitsgelde.

Jy moet op ’n omvattende finansiële ontleding aandring voordat jy advies oor jou geldsake oorweeg. Hierdie ontleding maak dit vir ’n adviseur moontlik om jou bepaalde behoeftes en verwagtinge te bepaal, risikoareas te identifiseer en enige gapings wat kan bestaan, uit te wys.

’n Finansiële adviseur wat sy sout werd is, sal moeite doen om jou huidige situasie en enige aspirasies of bekommernisse wat jy oor die toekoms het, te verstaan. Met jou insette moet jou adviseur elke aspek van jou finansiële plan ondersoek en die oplossings wat in terme van risikodekking, inkomstebeskerming, spaar, beleggings, aftrede en boedelbeplanning vir jou die beste is, verduidelik. Daardie oplossings moet dan in plek geplaas en gereeld hersien word. Kontak Annatjie Els by 013-880-0061 of 083-679-4697 vir professionele advies.