Skrywer stel boek bekend
MBOMBELA - Ilona Petzer, die bekende en geliefde plaaslike beeldende kunstenaar, het verlede Saterdag haar boek, Hartskos in die bos/Straatwys in Parys, saam met Innibos by die Damhuis Kutsaga op die Friedenheim-plaas bekendgestel.
Tesame was daar ook ’n uitstalling van haar skilderkuns en keramiekware.
“Die grootsheid van die skepping is onder meer wat my inspireer wanneer ek my in die natuur bevind,” vertel Petzer, “maar net so het ek tydens verskeie kere se verblyf in Parys in die Cité Internationale des Artes gevoel my kunstenaarsiel word op soveel uiteenlopende maniere gevoed.”
Die reisgogga het haar gebyt toe sy as lugwaardin gewerk het, en haar liefde vir die natuur is op sy beurt verdiep in latere jare se werk as gids in die Krugerwildtuin. “Ek voel bevoorreg om te kan put uit hierdie twee wêrelde, en wou graag van my gedagtes daaroor neerpen.”
Die voorwoord is geskryf deur wyle Judith Mason, ’n vriendin en mentor van Petzer.
Om die boek te bestel, skakel Petzer by 082 893 6718.
Haar liefde vir die natuur is op sy beurt verdiep in latere jare se werk as gids in die Krugerwildtuin