Hofsaak gaan voort ná Carel se dood in 2020
MBOMBELA - Op 1 Desember 2020 is ’n familie, skool en gemeenskap deur die afsterwe van
Carel Robberts ná ’n motorfietsongeluk op die hoek van Dr. Enos Mabuzarylaan en Amaryllislaan geruk.
Carel was ’n matriekleerder aan Hoërskool Bergvlam en was sy ma se gentle giant, sy pa se trots en sy sussie se beste vriend.
Nou, ’n jaar en nege maande later, maak die bestuurder van die Toyota Fortuner wat ook in die ongeluk betrokke was, MG Potgieter, op 26 Augustus sy tweede verskyning in die Nelspruit Landdroshof.
Potgieter het die eerste keer op 24 Junie in dié hof verskyn op aanklagte van strafbare manslag.