Rolbalspelers hou LVCC-klub se naam hoog
Die rolbalmans en -vroue het die afgelope naweek in Groblersdal die Laeveld se naam hoog gehou.
Dit volg nadat die mans van LVCC tydens die provinsiale uitspeelwedstryde, met Deon Ferreira aan die stuur, met die louere weggestap het. Corrie Els (Nelspruit) en sy span was die naaswenners. Vir die derde en vierde plekke het Mpumalanga-Wes uitgespeel.
In die vroueafdeling het Marie Saayman en haar span van die Barberton Rolbalklub koning gekraai, en Debbie Day en haar LVCC-span het tweede geëindig.