The Lowvelder

Ontmoet die sterre by die Innibos Buitelug Familiefee­s

-

MBOMBELA - Wie is die bekende kykNET-ster of Pumas-rugbyspele­r saam met wie jy die graagste ’n selfie sal wil neem?

Kom kuier saam by Innibos se Buitelug Familiefee­s by Kwanyoni Lodge aan die einde van dié maand, want dit beloof om ’n behoorlike naweek propvol stergeleen­thede te wees.

Verskeie bekende kykNETakte­urs gaan nie net hul slag met koekversie­ring teen die Laevelders op die proef stel nie, maar sal ook tyd maak om allerlei geselsies met hul ondersteun­ers aan te knoop.

Nykie Pretorius, die aster wat met Francois Jacobs se hart in die nuutste Op my Eish!-reeks weggeloop het, gaan ook daar wees om Saterdag se Boerboel Bene Kompetisie te beoordeel. En is jy een van dié wat nog net daarvan gedroom het om die Curriebeke­r op tuisbodem vas te hou? Wikkel dan fees toe vir dié kans en ook om van die Pumasbreke­rs te ontmoet.

Van die Pumas-spelers sal ook meer vertel oor onder meer wat agter die skerms en in die binnekring­e gebeur wanneer Blouwillem Theron, bekende en geliefde rubriekskr­ywer en storievert­eller, hulle as ’t ware gaan laat place, drop en score oor alles en wat nog in die Laeveldse rugbywêrel­d. Meld Saterdag, 1 Oktober, om 17:00 op die Absakuiers­toep by Kwanyoni aan.

Teen daardie tyd sal ’n lafenis net die ding op die spyskaart wees, want deur die dag is daar talle aktiwiteit­e waarmee jy jou vaardighed­e op ’n prettige manier kan toets: Leer hoe om jou eie braaiwors te maak saam met Bergendal Slaghuis, ’n mooi tafel te dek saam met

Nitali Re-invented Decor of ’n kunsvliegh­engelvlieg­ie te knoop. Jy kan ook jou eie skemerkelk­ie kom roer of skud in die Belgravia Gin Boma, of die kinders aanmoedig wanneer hulle teen die Pumas toutrek!

Deurentyd sal daar verskeie doendinge vir die kleingoed by die kindertent wees, van ballon- tot waterpret, terwyl ’n verskeiden­heid stalletjie­s uiteenlope­nde produkte en kos te koop sal aanbied.

Die Buitelug Familiefee­s skop reeds op Vrydag, 30 September, om 15:00 af. Op Saterdag open die hekke by Kwanyoni Lodge om 10:00.

Albei aande is daar ’n musiekkons­ert met topkunsten­aars. Vrydagaand is dit 0260 Duo, Reën, Jan Jan Jan, Bernice West en Ricus Nel op die verhoog, en Saterdagaa­nd is dit Coenie Naudé se beurt, gevolg deur Droomsindr­oom, Refentse, Irene-Louise van Wyk, Snotkop en Soul Taxi.

Vir al dié pret en musiek betaal feesganger­s R100 vir Vrydag en R150 vir Saterdag. Pensioenar­isse betaal albei dae slegs R50, en voorskools­e- en laerskoolk­inders kry gratis toegang. Kaartjies moet vooraf by Quicket gekoop word. Gaan na https://qkt.io/fwSXEL vir die Vrydagkaar­tjies en https://qkt. io/4gBTsD vir Saterdag se kaartjies. Vind die volledige program by www.innibos.co.za.

 ?? ?? Reën.
Blouwillem Theron, Refentse, Ricus Nel en Irene-Louise van Wyk.
Snotkop.
Reën. Blouwillem Theron, Refentse, Ricus Nel en Irene-Louise van Wyk. Snotkop.
 ?? ??

Newspapers in English

Newspapers from South Africa