Pro Gratia-revue bring vreugde vir kinders én ouers
MBOMBELA - Pro Gratia Leersentrum het die afgelope naweek sy revue aangebied, tot groot genot van die leerders, ouers en onderwysers.
Met die intrapslag was die Communio Kerk se saal gevul met gehoorlede wat in afwagting hulle plekke ingeneem het.
In ag genome dat Erfenisdag al nader kruip, het die tema van die revue goed by
September ingepas. Die land se erfenis is groep vir groep deur sang, dans en so ’n tikkie toneelspel uitgebeeld.
Hier en daar het leerders opgewonde vir hul ouers in die gehoor gewaai en dan weer hul rol in die vertoning hervat.
Een van die hoogtepunte van die aand was beslis die gesing van die volkslied, gevolg deur Pro Gratia se skoollied. Sommige leerders het dit ewe hand-op-die-bors gesing.