Van boeremusiek tot rock en alles tussen-in
MBOMBELA - Daar word Vrydag en Saterdag by Kwanyoni Lodge behoorlik by die Innibos Buitelug Familiefees feesgevier.
Daar is iets vir elkeen se smaak musiek, stalletjies, bier- en wyntuine, oulike demo’s op die Absa Kuierstoep en ook lekker buitelugaktiwiteite vir oud en jonk: boogskiet, teikenskiet, ponieritte, ’n visvangkompetisie vir die kinders met lekker pryse en selfs toutrek met die Airlink Pumas. Daar is ook ’n spesiale kinderarea met speletjies en aktiwiteite vir die kleintjies!
Wat jy moet weet:
• Kwanyoni Lodge is 15 km uit op die N4 in Middelburg se rigting, aan jou linkerkant.
• Daar is meer as genoeg gratis, veilige parkering vir feesgangers by die venue.
• Daar sal ’n Absa-OTM op die terrein wees om kontant te trek.
• Kaartjies kan vooraf by Quicket gekoop word, maar sal ook by die hek beskikbaar wees.
• Jou gunsteling-kykNETsterre: van Binnelanders, Mila Guy en Melinda Viljoen en van Diepe Waters, Liam Bosman en Righard van Jaarsveld.
• Van die land se top musikante en kunstenaars; Snotkop, Ricus Nel, Bernice West, Refentse en vele meer.
• Blouwillem Theron.
• Ons eie rugby-celebs, Jimmy Stonehouse en die Airlink Pumas.
• Die Curriebeker.
• En jy…
Ricus Nel. Inlas: Liam Bosman.
• Vrydag 30 September: Volwassenes: R100; pensioenarisse: R50; laerskoolkinders: gratis. Hekke open 15:00.
• Saterdag 1 Oktober: Volwassenes: R150; pensioenarisse: R50; laerskoolkinders: gratis.
Hekke open 10:00.
• Geen koelbokse en gazebo’s word toegelaat nie.
• Geen troeteldiere nie, asseblief!
• Laai die program by www.innibos.co.za af sodat jy heeltyd op jou foon kan kyk wat
waar en wanneer gebeur!
Wat jy moet saambring:
• ’n Kampstoel (jy kan dit in jou motor los en gaan haal wanneer die verhoogprogram begin).
• Sonroom, sonbril en hoed die son kan kwaai wees!
• Bring baie gees, dis weer tyd om te fees!
Die wie’s wie wat daar gaan wees:
Righard van Jaarsveld.