Die stand van meeste SuidAfrikaners se geestesgesondheid

Vier-en-vyftig persent van Suid-Afrikaners kan nie maandeliks met hul geld uitkom nie, en dit het ’n impak op hul geestesgesondheid. Hierdie is onlangse statistiek van die Sanlam-veldtog, Brief aan my pre-Covid-19-self, wat deur Ova to You onder 1 200 Suid-Afrikaanse respondente gedoen is.

Dis noodsaaklik om in baie moeilike omstandighede die beste moontlike finansiële besluite te neem. Die opname was daarop gemik om vas te stel wat respondente graag voor Covid-19 sou wou geweet of gedoen het.

Covid-19 het sy tol onder die meeste, indien nie almal van ons, geëis, en het moontlik ook ’n impak op ons geestesgesondheid gehad. Hierdie impak sal waarskynlik nog jare duur. Die opname het bevind dat die meeste mense gewens het hul pre-pandemie-self het meer gespaar. Dit het die impak wat geld as ’n stressor op ons geestesgesondheid het, beklemtoon. e

• Sewe-en-vyftig persent van respondente het gesê finansiële stres het die grootste impak op hul geestelike welsyn gehad.

• Jong mense tussen die ouderdomme van 18 en 24, veral vroue, is die swaarste deur finansiële stres getref.

• Ouer mense was meer bekommerd oor die ekonomie en die stand van SuidAfrika, en negatiewe nuus het ’n impak op hulle gehad.

• Verlies en smart het ’n impak op alle ouderdomme gehad. Vier-en-twintig persent van respondente het genoem dat verlies en smart ’n geestelike impak gehad het, en 22% het afsondering en eensaamheid genoem.