Dié Vlammies het presteer
MBOMBELA - Die leerders van Hoërskool Bergvlam is onlangs vir hulle harde werk tydens ’n merietetoekenningsplegtigheid beloon.
Die kwartaallikse merietetoekennings is tydens die oggendsessie in die saal uitgedeed - meer as 260 toekennings is tydens die seremonie oorhandig. Die ouers is ook uitgenooi om saam met hulle kinders hierdie geleentheid by te woon.
Louise Fullard was die seremoniemeester vir die geleentheid, terwyl Shanie Briel die leerders aangekondig het.
Die hoof, Deon Visser, het persoonlik elkeen van die leerders se sertifikate oorhanding tesame met ’n hartlike gelukwensing.
Die Prestige Prysuitdeling is dieselfde aand gehou, toe meer as 30 boekpryse oorhanding is.
Jacques Klopper het onder andere boekpryse ontvang vir Afrikaans huistaal 84%, toerisme 87%, Engels eerste addisionele taal 91%, asook vir sy praktiese assesseringstaak (PAT) in toerisme. Hy het toerisme as agtste vak gehad en het 100% vir hierdie PAT behaal.
Naledi Ramushu het boekpryse vir Engels huistaal 89%, lewenswetenskap 94,3%, Afrikaans eerste addisionele taal 95% en wiskunde 96% ontvang.
Razeena Nomani het die Danie Snyman LVM-prys ontvang vir die beste prestasie in wiskunde en fisiese wetenskap.
• Kultuurpersoonlikheid: Naveena Sabu
• Duxleerder: Naledi Ramushu
• Sportman: Kgoshi Mashego
• Sportvrou: Meghan Swart
• Die vlam van Bergvlam:
Sadiyah Ameer en
• Die hoof se toekenning: Ntokozo Mabuza.