Resep vir ’n gerieflike aftrede: vroeë beplanning en omsigtige batetoewysing
Hoe vroeër jy begin wat aftreebeplanning betref, hoe beter.
Zaheer Bhikha, die bestuurshoof van produkontwikkeling by Glacier deur Sanlam, verduidelik hoe belangrik dit is om jou behoeftes van jou begeertes te onderskei om ’n gerieflike aftrede te verseker.
Verstaan jou behoeftes
Strategiese beplanning is deurslaggewend om finansiële sekuriteit na aftrede te verseker. Dit sluit in om jou finansiële behoeftes in verskillende kategorieë te verdeel. Bhikha skets drie primêre oorwegings:
1. Jou onmiddellike behoeftes verg ’n gewaarborgde inkomstestroom.
Die eerste kategorie is bedoel vir jou onmiddellike behoeftes, wat noodsaaklike uitgawes soos huur, kos en gesondheidsorg insluit. Dit is uiters belangrik om ’n gewaarborgde inkomstestroom te verseker wat gedurende al jou aftreejare hierdie behoeftes sal dek. Oorweeg konserwatiewe beleggingstrategieë om met ’n hoë mate van sekerheid lewenslank ’n bestendige inkomste te verseker.
2. Diskresionêre besteding maak voorsiening vir jou begeertes.
Die tweede kategorie is bedoel vir diskresionêre besteding, wat nienoodsaaklike uitgawes soos ’n nuwe motor of ’n vakansie insluit. In teenstelling met onmiddellike behoeftes, maak diskresionêre besteding voorsiening vir ’n beleggingstrategie met ’n groter aandelekomponent. Hierdie benadering neem markskommelinge in ag en kan by jou risikoprofiel aangepas word.
3. Volkome diskresionêre besteding hou verband met jou surplusbates. of ’n uitkeerpolis belê word. Hierdie kategorie neem die onsekerheid van hoe lank jy gaan leef in ag, met buigsaamheid in die bestuur van spaarfondse.
Wanneer jy jou behoeftes bepaal het, is dit belangrik om die verwagte profiel van elke uitgawekategorie te ontleed. Sleuteloorwegings sluit in of uitgawes in ooreenstemming met inflasie sal toeneem, hoe lank inkomste nodig sal wees, en hoe jou finansiële vooruitsigte oor die algemeen lyk.
Identifiseer beleggingsmediums wat by jou behoeftes pas
Die keuse van die regte beleggingsmediums is die volgende stap in aftreebeplanning. Jy kan verskillende finansiële instrumente oorweeg, na gelang van die verwagte profiel van uitgawes. Aangesien lewensduur (hoe lank jy gaan lewe) onbekend is, beveel Bhikha konserwatiewe beleggingsopsies vir noodsaaklike lewenskoste aan. Wat diskresionêre besteding betref, kan ’n meer dinamiese en aandelegebaseerde strategie geskik wees, terwyl surplusbates ruimte skep vir strategiese beplanning wat op die persoon se finansiële doelwitte gegrond is.
Verseker ’n vervullende aftrede
Die einddoel van aftreebeplanning is om ’n vervullende lewe met finansiële sekuriteit tydens aftrede te verseker. Deur uitgawes in duidelike kategorieë te verdeel, die verwagte profiel van elke kategorie te verstaan en geskikte beleggingsprodukte vir elkeen te kry, kan jy jou aftreejare met sekerheid aandurf.