LASER VIR EINA TEPELS
Ek verwag my tweede kind. My tepels was vreeslik seer en teer net ná my eersteling se geboorte. Ek het gehoor daar is laserbehandeling wat vir gebarste tepels help.
ANRO-MARI COHEN ANTWOORD:
Seer tepels ná geboorte is baie algemeen by ma’s wat borsvoed. Verkeerde posisionering van jou baba se lyfie en verkeerde aanhegting van jou baba aan jou bors is van die grootste oorsake. Tepel-teerheid begin gewoonlik in die eerste paar dae van borsvoeding, bereik ’n hoogtepunt op dag vier of vyf en neem dan geleidelik af namate melk in jou bors invloei en jou tepels weerstand teen jou baba se suigaksie opbou. In die eerste paar dae van borsvoeding is dit normaal dat jou tepels seer en sensitief is omdat dit skielik ’n ekstra stressor het. Borsvoeding is ná sowat twee weke veronderstel om pynvry te wees. As jou tepels dan steeds sensitief is, oopbars en bloei, moet jy hulp gaan soek.
Laserbehandeling is baie gewild by mammas wat met gebarste tepels sukkel. Dit is ’n mediese prosedure wat gebruik word om pyn en ontsteking te verminder en wondgenesing te bevorder.
Om te kan genees, het jou liggaam elektrone nodig wat met mekaar kommunikeer. Die laser lewer hierdie elektrone direk aan die selle en so verbeter dit hul vermoë om met mekaar te kommunikeer, sowel as om ATP (energie) te produseer. Dit veroorsaak dus ’n reaksie op selvlak. Die laserligstrale stimuleer selle om sekere ensieme te produseer wat nodig is om genesing aan die gang te sit en wat noodsaaklik is vir optimale funksionering. Dit lei ook tot die produksie van endorfiene, wat natuurlike pynstillers is. Laserterapie maak wondgenesing makliker deur die akute ontstekingstyd te verkort.
Enige fisioterapeut wat ’n lasertoestel het, kan jou help omdat dit vir ’n wye verskeidenheid ander toestande ook gebruik word. Maak net seker dat die terapeut nie net sekere toestande soos sportbeserings behandel nie. Daar is ook terapeute wat jou al in die hospitaal kom behandel, in die eerste paar dae ná jou baba se geboorte. Dit kan as ’n voorkomende maatreël dien.
Gedurende die behandeling word die toestel vier tot ses minute oor jou tepel gehou. Dit is ’n pynvrye en nie-indringende manier van behandeling en die goeie nuus is dat die meeste mediese fondse daarvoor betaal.
RAAKGEKOOP
NUK se borsdoekies is uiters absorberend en sag, maar laat tog lug deur. R73,99 vir ‘n pak van 40 by vooraanstaande winkels. probleem te wees tydens die swangerskap nie. Dit keer jou nie om normaal te kraam nie, maar dit beteken dat jy fyn dopgehou en gemonitor moet word terwyl jy kraam.
As die hartmonitor enige rede tot kommer uitwys, sal dit beter wees om na ’n keisersnee oor te skakel.
Ek dink egter wel as daar ’n probleem met jou baba se groei of die werking van die plasenta ontstaan, sal jy nie normaal kan kraam nie. Praat gerus met jou ginekoloog daaroor.