JA, OF NEE VIR ANTIBIOTIKA?

Antibiotika baklei teen bakterieë en nie teen virusse nie. Daarom is dit nie die antwoord op verkoue of griep nie, maar dit kan wel ingespan word om die ernstiger komplikasies van verkoue en griep te behandel, soos longontsteking en brongitis, wat albei deur bakterieë veroorsaak word.

Die ou reël met antibiotika geld egter: Gebruik dit net wanneer dit regtig nodig is omdat bakterieë gou weerstandig word teen antibiotika en jy jou kanse kan “opgebruik” vir dié wondermedisyne wat skadelike bakterieë doodmaak.