PAK JOU DOEKSAK
Sorg dat jy vir énige gebeurlikheid gereed is met ’n goeie doeksak wat slim gepak is.
DIE IDEALE DOEKSAK
Jy gaan vir minstens die volgende twee jaar ’n doeksak oral met jou saamdra. Kies dus een met die volgende eienskappe: • Dit moet groot genoeg wees dat álles
daarin kan pas. • Jou maat gaan dalk ook soms die sak help dra en sy manlike ego kan dalk net vasskop teen ’n skelpienk sak met blommetjies en bytjies op. • Kies een met ’n stewige, verstelbare band wat jy oor jou skouer kan hang sodat jou hande vry is. Daar is deesdae lieflike doekrugsakke beskikbaar. • Die materiaal van die sak moet wasbaar wees; jy gaan dit nog baie moet was. Baie doeksakke het hul eie ruilmat – maak seker dié mat is ook wasbaar. • Dis nuttig as die sak verskeie klein sakkies aan die binne- en buitekant het. So kan jy verskillende artikels op verskillende plekke bêre en selfs vuil doeke en klere eenkant hou. • Kies ’n sak wat wyd is pleks van diep. Dis moeilik as ’n mens moet skarrel om ’n vogdoekie raak te vat.
PAK VIR ’N UITSTAPPIE
• Minstens vyf doeke • ’n Kleinerige houertjie boudjiesalf
wat jy altyd in die sak hou • Vogdoekies • Gegeurde plastieksakkies om vuil doeke in te hou en vuil klere in te bêre • Twee klein pakkies sneesdoekies • Sonskerm vir jou baba • Een ekstra stel kleertjies en iets warms, winter en somer • ’n Ekstra frokkie
in die winter • ’n Ekstra hemp
vir jou • ’n Klein kom
bersie • ’n Ruilmat • Twee verskillende
speeldinge • As sy ’n fopspeen suig, ’n ekstra fopspeen en ’n houertjie waarin dit gehou word • As sy al eet – ’n sakkie babakos en borslappe (’n Mens kan wonderlike weggooibare borslappe koop.) • ’n Paar rand vir ’n noodgeval
EKSTRAS VIR DIE DOEKSAK
• ’n Koorspen • ’n Klein botteltjie Panado- of Calpol
stroop • Vingerkoekies (veral vir babas wat besig
is om tande te kry) • Antibakteriese handseep