WAAR PROBLEME LÊ

Hoekom sukkel kinders soms met taal-, spraak- en luistervaardighede? Daar is heelparty moontlike oorsake: • Gehoorgestremdheid. Dit kan permanent wees, of tydelik as gevolg van aanhou

dende middeloorontsteking. • Verstandelike gestremdheid. • Aandagtekortsteurnis met of sonder hiperaktiwiteit (beter bekend as die Engelse

afkortings ADD of ADHD). • Outisme • Verwaarlosing en mishandeling. • Taalverwarring: Dit kan onder meer ontstaan wanneer ’n kind aan meer as een taal tegelykertyd blootgestel word, sê die spraakterapeute. Meertaligheid in ’n huishouding hoef nie ’n probleem te wees nie, maar dit moet met ekstra aandag hanteer word.

Kundiges beveel byvoorbeeld aan dat een ouer konsekwent die een taal en ’n ander ouer die ander taal met hulle kind praat. So identifiseer die kind ’n taal se spesifieke reëls en die gebruik daarvan met een ouer.