DIE PERFEKTE MA

Raas jou ma met jou as jy op die bed spring? Laat sy jou uit die bad klim as jy nog lekker in die water speel? Dan is dit tyd dat jy soos Zander vir jou ’n nuwe ma by die Mammawinkel bestel! En as jy nie van haar hou nie, stuur jy haar terug en bestel ’n ander een. En ’n ander een ... Die Mammawinkel is ’n skreeusnaakse boek wat jou kleuter ook ’n lewenslessie of twee leer. Lapa Uitgewers, R120.