ONS FACEBOOK-MA’S SÊ …

WAT PAK JY IN JOU KIND SE SKOOLKOSBLIK?

Inke Els My pop word nou twee jaar oud. Hulle kry pap by die skool en dan pak ek ’n toebroodjie, klein jogurt en ’n vrug saam met rooibostee en ’n sappie.

Roxzanne Gillian Mentoor Hang af. Toebroodjies met kouevleis of konfyt. Dan sny ek ’n vruggie op en sit dit ook by. Een keer per week vervang al ek die vrugte met vier hoenderballetjies. Geen skyfies, sjokolade of koekies word by die skool toegelaat nie.

Crystle Swanepoel My seuntjie kry sy middagete by die skool, maar ons moet ’n peuselhappiekosblik inpak. Ek pak proteïene in, soos ’n wigkasie, worsie, gekookte eier, visvingers of oorskietvleis van die vorige aand. Dan ook ’n vrug wat gewoonlik iets soos aarbeie, gesnyde appel, piesang (afhangend van wat hy in daardie stadium wil eet) insluit. Ek pak ook ’n jogurt en afgewaterde sap in. Ek bak so af en toe klein muffins wat ek soms inpak.