SEESEPIES met karakter
Maak hande was en badtyd pret met dié ouderwetse sepies gevul met seediertjies.
JY HET NODIG
• Ongegeurde gliserienseep • Ramekins of ’n muffinpan • Plastiekseediertjies • Glasmaatbeker of kastrol • Aromaterapie-olie of voedsel
kleursel (opsioneel) • Vryfalkohol (chirurgiese alkohol) en
’n spuitbotteltjie
GAAN SO TE WERK
1. Smeer die binnekant van die ramekins of muffinholtes met olyfolie en plaas ’n plastiekdiertjie of twee in elk. 2. Sny die seep in kleiner stukkies 3. Smelt dit in ’n glasmaatbeker in die
mikrogolf of in ’n kastrol op die stoof. 4. Voeg die aromaterapie-olie of kleurstof by die seep indien verkies. (Ons het die sepies deurskynend en ongegeur gehou.) 4. Giet die gesmelte seep oor die
plastiekdiere. 5. Giet ’n bietjie vryfalkohol in die spuitbotteltjie en spuit dit bo-op die seepvloeistof om die skuim te laat verdwyn. 6. Laat die sepie afkoel en weer stol voor jy dit
met ’n stomp mes uit die vorm haal.