HOEND-ER-EN-GROENTE-KOESKOES
• 2 e (30 ml) olyfolie • 2 preie, fyngekap • 1 hoenderborsie sonder vel, in blokkies
gesny • 1½ k (375 ml) hoenderaftreksel (kies een
met min natrium) • 2 wortels, in blokkies gesny • ½ k (125ml) broccoli, in stukkies gesny • 1 k (250 ml) koeskoes
GAAN SO TE WERK
1. Verhit die olie in ’n pan en braai die preie tot sag. Voeg die hoender by en braai nog sowat 5 minute tot gaar. 2. Voeg die aftreksel, wortel en broccoli by en posjeer sowat 10 minute tot sag. Dreineer die vloeistof en hou eenkant. 3. Plaas die koeskoes in ’n vuurvaste bak, giet die gedreineerde vloeistof oor, bedek en laat 10 minute staan. 4. Krap die koeskoes met ’n vurk los en roer
die hoender-en-groente-mengsel by.