Slim reënboog
Leer jou kinders die kleure van die reënboog met dié vrolike projek.
JY HET NODIG
• Linte in die reënboogkleure (rooi, oranje, geel, groen, blou, indigo en violet) • Papierbord, in die helfte gesny • Gom • Watte • Toutjie
GAAN SO TE WERK
1. Knip die linte sodat hulle min of meer dieselfde lengte is. Lê hulle in die volgorde van die reënboogkleure neer. 2. Plak hulle in dié volgorde op ’n halwe
papierbord vas. 3. Plak die papierbord vol watte sodat dit
soos ’n wolk lyk. 4. Vou die toutjie in die helfte en plak die los punte aan die agterkant van die bord vas om ’n lussie te vorm waaraan die reënboog opgehang kan word.