HOE GOED KEN JY JOU BORSTE?
Wees gereed om in verwondering te staan oor hoe jou borste werk. Antwoord hierdie vinnige vasvra om uit te vind hoeveel jy weet.
ANTWOORD 1:
Die korrekte antwoord is B, maar moenie sleg voel as jy A gekies het nie. Die meeste vroue wat nog nie ’n baba geborsvoed het nie dink dat die tepel slegs een opening het, terwyl die hoeveelheid openinge inderdaad uniek tot elke vrou is. Volgens ’n Duitse studie* het lakterende vroue ’n gemiddeld van 3.9 aktiewe melkbuise (openinge) op elke tepel. Wonder jy waarom? Melk sproei uit die veelvoudige openinge en versprei rondom die mond waar dit met speeksel meng. Dit sit die laktose in die melk in kontak met die laktase- ensiem in jou baba se speeksel wat help met vertering, en help om koliek te verhoed. Dit maak sin dat Moeder Natuur net só slim is.
ANTWOORD 2:
Die antwoord is C – grootte is irrelevant. Jou koppiegrootte hou geen verband met die hoeveelheid melk wat jy produseer nie. Jou borsgrootte word grootliks bepaal deur hoeveel vetweefsel jy het en vetweefsel het geen betrekking op hoeveel melk jy maak nie. Die melkkliere maak die melk en die produksie word gesneller deur baba wat voed. Wanneer ’n baba suig, word die melk vanuit die kliere gedruk na die buise onder die tepel en areola en uit in jou baba se mond in. Jou borste sal gedurende swangerskap groter word soos wat die kliere hulle voorberei en hulle sal groter wees soos die melk dit vul. Die hoeveelheid melk word egter bepaal deur hoeveel keer baba voed: Eenvoudig vraag en aanbod.
ANTWOORD 3:
Die antwoord is B. Wanneer jou baba voed, verander jou tepel van vorm na ’n asimmetriese plat, verlengde vorm – wat die beste by jou baba se mond aanpas vir behoorlike kaak- en spierkoör dinasie.
Jou baba se mond sal rondom die areola vassuig om ’n verseëlde vakuum te vorm en die tepel in die mond intrek.
Wanneer jou baba behoorlik vassuig, sal geen lug inkom nie. ’n Duitse studie wys dat pasgeborenes tipies 70 g borsmelk in 13 minute inneem met 569 suigbewegings en 53 ruspouses. Fassinerend! Al die gesuig gee meer as net voeding – dit oefen eintlik die kaak, lippe en gesigspiere wat toelaat dat die laerkaak verbreed en help vir algehele optimale orale ontwikkeling.