ANTIBIOTIKA & BRANDBOUDJIES

Antibiotika kan diarree veroorsaak, wat op sy beurt twee soorte brandboudjies veroorsaak: kontakdermatitis en sproei.

Antibiotika maak 80 persent van die gesonde kieme in jou baba se maag dood sodat daar niks is wat teen die sproei-swam kan werk nie. Laasgenoemde groei dus na hartelus.

Kinders wat herhaaldelik sproei kry en antibiotika moet drink, moet ook ’n teenswammiddel inneem, is Paul se raad.

Hoewel daar nie bewys is dat probiotika sproei en brandboudjies verbeter nie, gebruik baie ouers dit om die diarree teen te werk wat deur die antibiotika veroorsaak word.

“Sommige ouers gebruik selfs ’n aanrol-probiotikaroom op die doekarea,” sê Paul.